قصيدة لشاعر حمد السعيد/ بعنوان الرشاقة

للزين قالوا من قديم علامات .... عين ومبسم والجسم والرشاقه
لكن كسر هالقاعده هالمتينات ..... من واقع ماهو كلام وبلاغه
اللي محليهم ولا هن ثقيلات...... دايم خفاف الدم وفيهن لباقه
الله يا هن يا جماعه لطيفات ......علي الكلام الحلو فيهم طلاقه
ماهو ضروري بالرشاقه رشيقات ..... وزود الوزن ماهوب بيعني اعاقه
صحيح بعض اللبس يعني اهانات ...الوزن بالضّيق عديم علاقه
بس مو ضروري يلبسن استرجات .. ... يا زينهن واللبس واسع نطاقه
لا بارك الله فيك يا الضيق بالذات .......ترى السعه مرات تعطي اناقه
قالوا الرجيم اليوم هم البنيات ......قلت الرجيم ادري يبيله فراغه
وقالوا الرياضه قلت ماهن مريضات........ للسكري لا مامعاهن بطاقه
قابلهن الله بلا رجيم ورياضات ........ بهديلهن مني من الورد باقة
هن دفء هذا المجتمع هن رقيقات ....... هن ملح هن سكر لذيذ مذاقه
هن لاسالتوني عن الحب بسكات......... بقول هن فيهن عن الحب طاقه
ماهو كلام اللي كتبته و اشاعات ..........انا ربطتني مع متينه علاقه
********* أهداء للمنتدى********